முகமூடியும் சௌகர்யமும்

பிறரை வருத்துதல் கூடாது

என்பது புரிந்த நிமிடத்திலிருந்து

முகமூடி அணிவது வழக்கமாகிவிட்டது !



நல்ல மனசு என்று

பிறர் சொல்வதற்காகவும்

சில காரியங்களை

சாதித்துக்கொள்ளவும் கூட

அது பயன்படவே செய்கிறது.



ஆனாலும்....



நான் முகமூடி அணிந்துள்ளேன்

என்று சொல்வதைவிடவும்

எனை சரியாய் பார்க்கும் வல்லமை

பிற கண்களுக்கு இல்லை

என்று சொல்வதில்

மனசுக்கு இன்னும் சௌகர்யம்தான் !